HomeBackForwardCoordinates Contact us

 

Օգնություն

Թանգարանը շենք չունենալու պատճառով կոնսերվացված է: Այն ներկայումս զբաղեցնում է շատ փոքր մի շենք, որը երկրաշարժից հետո վթարային է, և հիմնականում ծառայում է որպես զետեղարան: Առկա պայմաններում անհնարին է նյութերի պահպանման ջերմախոնավային ռեժիմի ապահովումը: Ձմռան ամիսներին զետեղարաններում ջեռուցման բացակայությունը, ջերմաստիճանի և խոնավության կտրուկ փոփոխությունները կործանարար ազդեցություն են գործում հատկապես հնագիտական մետաղի և գեղարվեստական ստեղծագործությունների վրա:
Թանգարանը
չունի ցուցադրություն: Տասնյակ հազարավոր ցուցանմուշները անմատչելի են հասարակությանը, դուրս են մնում մշակութային և գիտական շրջանառությունից: Չնայած դժվարին պայմաններին`, թանգարանը նյութերին ծանոթանալու և նյութերի հետ աշխատելու պայմաններ է ստեղծում աշխարհի տարբեր երկրներից ժամանող մասնագետների, հնագիտություն, ազգագրություն, արվեստ, թանգարանագիտություն ուսումնսիրող ուսանողների և զբոսաշրջիկների փոքր խմբերի համար:
Թանգարանի աշխատանքները բազմիցս լուսաբանվել տեղական, հանրապետական մամուլով և հեռուստատեսությամբ, ինչպես նաև արտերկրի լրատվամիջոցներով:
Գոյության
70
տարիների ընթացքում թանգարանը չի ունեցել իր շենքը և ըստ իշխանությունների քմահաճույքի բազմաթիվ տեղափոխությունների է ենթարկվել եկեղեցի, մանկավարժական ինստիտուտ, կարի արտադրական միավորման վարչական շենք և այլուր: 1985 թվականից թանգարանը կոնսերվացված է: Թանգարանի շենքի հարցը բազմիցս բարձրացվել է խորհրդային մամուլում և քննարկվել պատկան ատյաններում, սակայն անարդյունք: Պահպանվել են Լենքաղսովետի գործկոմի մի քանի որոշումներ, որոնք մնացել են թղթի վրա: 1987թ. թանգարանը հերթական անգամ տեղափոխվեց մի փոքրիկ շենք, ուր չկան նվազագույն պայմաններ նորմալ աշխատանքային գործընթաց կազմակերպելու համար, նույնիսկ ջուր և կոմունալ հարմարություններ: Թանգարանի զբաղեցրած շենքը 1988թ. երկրաշարժից հետո վթարային է և միայն մասնակիորեն է ամրացվել:
Թանգարանը չունի ցուցադրություն և ազգային հարստություն հադիսացող հազարավոր մասունքները անմատչելի են լայն հասարակությանը:
Շիրակի երկրագիտական թանգարանի շենքի հարցի լուծման միակ ճանապարհը նոր, որպես թանգարան նախագծված շենքի կառուցումն է, որը շատ ավելի հեռանկարային է և էժան, քան որևե վթարային շենքի ամրացումը և հարմարեցումը: Գյումրիի կենտրոնական մասում կան քանդված շենքերի տեղում առաջացած հրապարակներ, որոնք հարմար են թանգարանի շենքի կառուցման համար:Ներկա վիճակով թանգարանը ոչ միայն ի զորու չէ լիարժեք իրականացնել իր հիմնական ֆունկցիաները, այլև չի կարողանում ակտիվորեն աջակցել աղետի գոտու վերականգնման, նոր աշխատատեղերի ստեղծման, տուրիզմի և ենթակառուցվածքների զարգացման ծրագրերի իրականացմանը, լայն հասրակության մշակութային մակարդակի բարձրացմանը:


Ֆոտոալբոմ
Վիդեոալբոմ
Ցուցահանդեսներ
Հրատարակություններ




Project "Draskhanakert"

Project "Exhibit database, catalogue"

Project "SOS... Museum"

 

UNESCO

HISTORY.RU - Internet Historic Project @PAUTINA.NET Catalogue  

©2003. Շիրակի երկրագիտական թանգարան. Հեղինակային իրավունքները պաշտպանված են: Տվյալ կայքից օգտագործված բոլոր նյութերի համար հղումը թանգարանի նկատմամբ պարտադիր է:
Կապնվել վեբ-դիզայներին